Dagskrá:

– Formaður félagsins eða staðgengill hans setur fund og tilnefnir fundarstjóra.
– Skýrsla formanns.
– Lagðir fram reikningar síðasta fjárhagsárs.
– Lagabreytingar.
– Kosning stjórnar.
– Kosning endurskoðanda.
– Önnur mál.

Að loknum aðalfundi mun Rakel Sölvadóttir fræða gesti um forritunarmöguleika í og fyrir iPad spjaldtölvur.

Reynslunni ríkari vilja kennarar í Bakkabergi miðla þekkingu sinni með öðrum kennurum og hafa þess vegna útbúið vefsvæði þar sem öllu mögulegu sem viðkemur iPad í námi og kennslu er safnað saman á einn stað. Verkefnisstjóri og aðalhvatamaður í þessu verkefni leikskólans er Rakel G Magnúsdóttir. Við vonum að félagsmenn og aðrir áhugasamir um iPad í kennslu sjái sér fært að líta við í leikskólanum Bakka í Grafarvogi og eiga saman ánægjulega stund.

Allir sem hafa áhuga á notkun iPad í skólastarfi eru hvattir til að mæta og kynna sér málin, hitta aðra og skiptast á hugmyndumog reynslusögum.

Dagskrá

13:30 – Þróunarverkefni í Norðlingaskóla: Kennarar segja frá.

14:00 – Byrjendanámskeið í notkun iPad: hvað er hægt að gera við þetta?

14:00 – iBooks Author: Gagnvirkar kennslubækur.

15:30 – Skemmtileg smáforrit.

Skráning

Megin þema ráðstefnunnar var upplýsingatækni í skólastarfi. Fjallað var sérstaklega um þær breytingar sem eru að verða í skólastofunni með tilkomu smærri tækja og tóla. Spáð var í framtíðina, munu verða miklar breytingar á kennsluháttum í nánustu framtíð, hver verða áhrifin á námsgagnagerð. Ráðstefnan var samvinnuverkefni 3f og Háskólans í Reykjavík.

Allar nánari upplýsingar eru á vef ráðstefnunnar.

Clicker 6 nýtir sér alla kosti úr fyrri útgáfu en bætir við mörgum nýjungum. Þær miða í fyrsta lagi að þvi að gera nemandann öruggari og sjálfstæðari í notkun forritsins í öðru lagi að því að spara kennaranum undirbúningstíma fyrir kennsluna.

Clicker er verðlaunaforrit í læsi. Það gerir nemendum, á ólíkum getustigum, kleift að þróa og þroska hæfni sína í læsi og ritun. Það gerir Clicker með því að gera nemendum mögulegt að vinna í þverfaglegum verkefnum með texta, myndir og talendurgjöf.

Clicker 6 hentar bæði nemendum í almennum bekkjardeildum sem og nemendum með ýmsar sérþarfir. Clicker 6 hentar t.d. til sérkennslu, tungumálakennslu, íslensku sem annað tungumál ásamt yngri barna kennslu.

Eins og kemur fram að ofan er aðgangur ókeypis á meðan húsrúm leyfir.

Áhugasamir vinsamlega skrái sig, sem fyrst, eða í síðasta lagi þriðjudaginn 6. mars næstkomandi hjá Soffíu soffia@a4.is eða síma 773 0023 á milli kl. 08:00 – 16:00

Nú eru tilbúin fyrstu drög námskrár í upplýsinga- og tæknimennt/upplýsingalæsi frá ritstjórn og hægt að skoða þau hér. Ritstjórn vill gjarnan fá athugasemdir og ábendingar og má senda þær beint til Sólveigar fulltrúa 3f og Siggerðar Ólafar fulltrúa skólasafnskennara. Netföng þeirra eru solveig(hjá)verslo.is og solof(hjá)kopavogur.is

Morgunverðarfundur á Grand hóteli 15. mars kl. 8:30 – 10:00

Alþjóðlegu samtökin IFIP og hönnun hugbúnaðar fyrir börn við leik og nám

Skráðu þig á fundinn hér ATH! Félagsmenn 3f greiða eins og félagsmenn SKÝ 4.900 kr. Morgunverður innifalinn.

Sífellt meira framboð er dag frá degi af hugbúnaði fyrir börn bæði við leik og nám. Afar mikilvægt er að hanna hugbúnaðinn út frá þörfum barnanna og með þátttöku þeirra til að hann nýtist þeim vel. Hvað hefur reynst vel við hönnun hugbúnaðar fyrir börn? Hvernig er hægt að tryggja þjála hönnun?

Ský er aðili að alþjóðlegu samtökunum IFIP (International Federation of Information Processing) sem hafa beitt sér fyrir ýmsum málefnum upplýsingatækni í yfir 50 ár. Á vegum þeirra eru 14 tækninefndir, sem sjá meðal annars um að skipuleggja ráðstefnur á sínu sviði og styðja áhugahópa og vinnuhópa. Einn þeirra er áhugahópurinn SIG 13.2, sem fjallar um hönnun hugbúnaðar fyrir börn.

Á þessum morgunverðarfundi munu alþjóðlegu samtökin IFIP verða kynnt og áhugahópurinn SIG 13.2 um hönnun fyrir börn. Auk þess mun prófessor Janet Read flytja erindi um hönnun hugbúnaðar fyrir börn við leik og nám. Janet er ein af leiðandi rannsakendum á þessu sviði og afar vinsæll fyrirlesari. Sjá nánari upplýsingar um Janet: http://www.uclan.ac.uk/schools/computing_engineering_physical/janetread.php

Dagskrá fundarins:

8:00 Húsið opnar – morgunverðarhlaðborð fyrir gesti

8:30 Kynning á alþjóðlegu samtökunum IFIP
- Anna Kristjánsdóttir, prófessor í Háskóla Íslands og fulltrúi Ský í IFIP

8:45 Áhugahópurinn SIG 13.2 – Interaction design and children, kynntur
- Janet C. Read, prófessor í hönnun hugbúnaðar fyrir börn við Háskólann í Lancashire í Bretlandi – Erindið verður á ensku.

9:00 Fyrirlesturinn: Conversations about Children Playing and Learning with Interactive Technology
- Janet C. Read, prófessor hönnun hugbúnaðar fyrir börn við Háskólann í Lancashire í Bretlandi – Erindið verður á ensku.

9:45 Umræður/Discussions

10:00 Fundi slitið

Fundarstjóri: Marta Kristín Lárusdóttir, lektor við Háskólann í Reykjavík.
Undirbúningsnefnd: Marta Kristín Lárusdóttir, Anna Kristjánsdóttir, Sigrún Gunnarsdóttir, Arnheiður Guðmundsdóttir.

Þátttökugjald fyrir félagsmenn Ský 4.900 kr.
Þátttökugjald fyrir utanfélagsmenn 7.900 kr.
Þátttökugjald fyrir einstaklinga utan vinnumarkaðar 3.000 kr.

Við hvetjum alla grunnskólakennara sem áhuga hafa á námsgreininni að fjölmenna á fundinn.

Hér er leiðin að Álfhólsskóla.