3f.is » Fréttir

Aðalfundur 3f

admin — Wed, 01 May 2013 21:50:31 +0000

Aðalfundur 3f verður haldinn í Verslunarskóla Íslands, miðvikudaginn 5. júní kl. 16:00.

Kall eftir erindum á ráðstefnu 3f

admin — Tue, 19 Feb 2013 21:25:15 +0000

3f kallar eftir erindum á ráðstefnu um upplýsingatækni og skólastarf sem félagið heldur í samstarfi við HR, Upplýsingu og Menntamiðju föstudaginn 5. apríl nk.

Smelltu hér til að skrá erindi.

Forritunarkeppni framhaldsskólanna

admin — Fri, 08 Feb 2013 20:50:58 +0000

Forritunarkeppni framhaldsskólanna 2013 fer fram í 12. sinn þann 16. mars í Háskólanum í Reykjavík. Skráðu lið frá þínum skóla fyrir 8. mars.

Föstudaginn 15. mars munu keppendur hittast í HR þar sem fyrirkomulag keppninnar er skýrt og þeir fá úthlutað vinnuaðstöðu. Þar gefst einnig gott tækifæri til að kynnast öðrum keppendum. Laugardaginn 16. mars hittast keppendur kl. 08:00 og fá sér morgunmat. Keppnin sjálf hefst kl. 09:00 og stendur fram á kvöld. Skoðið keppnissíðu 2012 til að sjá þau lið sem nú þegar hafa skráð sig til leiks og til að sjá fyrirkomulag keppninnar sem og þau lógó sem hafa borist.

Keppnin er á vegum tölvunarfræðideildar Háskólans í Reykjavík og er fyrir alla nemendur í framhaldsskólum sem hafa áhuga á hönnun, forritun og tölvum og hvetjum við stelpur sérstaklega til þátttöku. Keppnin hefur verið haldin í fjölmörg ár og hefur aðsókn aukist ár frá ári og í fyrra voru 121 þátttakandi í 44 liðum, hvaðanæva af landinu. Vegleg verðlaun eru í boði frá Nýherja auk þess sem 6 þátttakendur fá niðurfelld skólagjöld við tölvunarfræðideild HR í eina önn.

Allar frekari upplýsingar á vefnum forritun.is.

Fréttabréf 3f í janúar er komið út

admin — Tue, 05 Feb 2013 23:37:02 +0000

Rafrænt fréttabréf 3f er sent mánaðarlega til yfir 300 áskrifenda og sneysafullt af fréttum enda mikið um að vera þessa dagana.
Smelltu hér til að lesa nýjasta eintakið á vefnum.
Smelltu hér til að gerast áskrifandi.

Tvö hundruð meðlimir!

admin — Sat, 02 Feb 2013 18:47:44 +0000

Nú taka alls tvö hundruð manns þátt í umræðum um upplýsingatækni og skólastarf á samnefndum vettvangi á Facebook. Nýjasta viðfangsefnið er fyrirspurn um "stopmotion" hugbúnað og þar á undan var sett inn smá úttekt á videotökubúnaði spjaldtölva.

Má ekki bjóða þér að taka þátt?

Ísland sendir dómara í keppni í upplýsingatækni á World Skills

admin — Sun, 27 Jan 2013 21:05:16 +0000

Ísland kemur að keppni í upplýsingatækni í fyrsta sinn á hinu alþjóðlega World Skills móti sem haldið verður í Leipzig í Þýskalandi í júlí nk. Þátttakan er í formi dómgæslu, en tilgangurinn er að fulltrúi Íslands kynni sér fyrirkomulag og áherslur alþjóðlegu keppninnar með það í huga að hægt verði að bjóða upp á þessa keppnisgrein á Íslandsmóti iðn- og verkgreina árið 2014.
3F, Félag um upplýsingatækni og menntun og SUT, Samtök upplýsingatæknifyrirtækja innan Samtaka iðnaðarins, standa að því að senda dómarann á vettvang og mun hann dæma keppnisgreinina „Upplýsingartækni – hugbúnaðarlausnir fyrir fyrirtæki”.

WorldSkills er heimsmeistaramót iðn- og verkgreina og er haldið annað hvert ár.

Viðmiðarammi fyrir upplýsinga- og tæknimennt í framhaldsskóla

admin — Thu, 22 Nov 2012 22:22:09 +0000

Þessa dagana stendur yfir vinna við smíði viðmiðaramma fyrir upplýsinga- og tæknimennt í framhaldsskóla. Vinnunni miðar vel og er nú svo komið að hægt er að birta drög á vefnum fyrir kennara og aðra sem áhuga hafa að kynna sér og gera athugasemdir við.

Mikilvægt er að hafa í huga að drögin sem hér má sækja eru vinnuskjal og töluvert verk er óunnið enn. Vinnan fór þannig fram að fyrst var safnað saman öllum áföngum í upplýsingatækni og áfangalýsingarnar greindar og flokkaðar eftir hæfniþrepum. Næst voru hæfniviðmiðin greind og þau flokkuð.

Í skjalinu sem hér fylgir hefur hæfniviðmiðunum verið safnað saman og þau flokkuð eftir viðfangsefni. Flokkarnir eru fjórir:

Upplýsingatækni og læsi
miðlun, grafík og vefsmíðar
forritun og gagnasafnsfræði
vélbúnaður, uppsetning og rekstur

Eins og sjá má þegar skjalið er skoðað þá er eitthvað um endurtekningar auk þess sem enn á eftir að fækka atriðum og sameina. Heildarmyndin ætti samt að vera nokkuð ljós.

Stefnt er að því að skila verkinu í upphafi desember. Allar athugasemdir og ábendingar eru vel þegnar.

Smelltu hér til að sækja vinnuskjalið (pdf).

Kynning á Microsoft Multipoint

admin — Thu, 15 Nov 2012 22:45:27 +0000

Þann 22. nóvember nk. kynnum við Microsoft Multipoint lausnina í samstarfi við Nýherja og Hörðuvallaskóla í Kópavogi.

Multipoint lækkar rekstrarkostnað skóla vegna tölvukerfa með því að hagnýta ódýrar sýndarútstöðvar sem eru allar tengdar einni tölvu.

Kynningin verður haldin í Hörðuvallaskóla og hefst stundvíslega kl. 19:30. Aðili frá Nýherja verður á staðnum ásamt kennara frá skólanum. Nú er um að gera að mæta á staðinn og komast að því hvort þessi lausn henti í þínum skóla.

Málstofa um forritun með börnum og ungu fólki

admin — Wed, 14 Nov 2012 13:59:36 +0000

RANNUM stendur fyrir málstofu um forritun með börnum og ungu fólki í stofu E301, aðalbyggingu Menntavísindasvið HÍ v/Stakkahlíð þann 22. nóvember. Málstofan stendur frá 15:00 - 17:00. Allar frekari upplýsingar á vef Rannum.
22.11. kl. 15-17 22.11.2012.

Fræðslufundur um Windows 8

admin — Tue, 13 Nov 2012 23:01:23 +0000

3f í samstarfi við Microsoft og Nýherja bjóða kennurum að kynna sér hið nýtilkomna Windows 8 stýrikerfi. Kynningin verður haldin þann 15. nóvember nk. í húsnæði Nýherja að Borgartúni 37 og stendur frá 19:30 - 21:30. Boðið verður upp á léttar veitingar.

Vinsamlegast skráðu þig til þátttöku hér