3f.is » Atburðir

Kynning á Microsoft Multipoint

admin — Thu, 15 Nov 2012 22:45:27 +0000

Þann 22. nóvember nk. kynnum við Microsoft Multipoint lausnina í samstarfi við Nýherja og Hörðuvallaskóla í Kópavogi.

Multipoint lækkar rekstrarkostnað skóla vegna tölvukerfa með því að hagnýta ódýrar sýndarútstöðvar sem eru allar tengdar einni tölvu.

Kynningin verður haldin í Hörðuvallaskóla og hefst stundvíslega kl. 19:30. Aðili frá Nýherja verður á staðnum ásamt kennara frá skólanum. Nú er um að gera að mæta á staðinn og komast að því hvort þessi lausn henti í þínum skóla.

Fræðslufundur um Windows 8

admin — Tue, 13 Nov 2012 23:01:23 +0000

3f í samstarfi við Microsoft og Nýherja bjóða kennurum að kynna sér hið nýtilkomna Windows 8 stýrikerfi. Kynningin verður haldin þann 15. nóvember nk. í húsnæði Nýherja að Borgartúni 37 og stendur frá 19:30 - 21:30. Boðið verður upp á léttar veitingar.

Vinsamlegast skráðu þig til þátttöku hér

Kvöldstund í vefsmíðum

admin — Wed, 17 Oct 2012 21:45:10 +0000

Fimmtudagskvöldið 18. október kl. 19:30-21:30 ætlum við að hafa kvöldstund í vefsíðugerð. Verið velkomin í Álfhólsskóla (Hjalla) í Kópavogi til að bera saman bækurnar, fá aðstoð og kynnast spennandi nýjungum í vefsmíðum.

Menntabúðir – Upplýsingatækni í sérkennslu

admin — Sat, 18 Aug 2012 16:40:32 +0000

3f í samvinnu við FLS, FÍS, FSF, TMF, epli.is, A4, Varmás og fleiri býður alla velkomna í Menntabúðir (EduCamp) þar sem þemað verður Upplýsingatækni í sérkennslu.

Menntabúðir er samkoma þar sem fólk kemur saman til þess að miðla af eigin reynslu og þekkingu og afla sér fróðleiks frá öðrum þátttakendum. Þátttakendur eru í aðalhlutverki í Menntabúðum. Saman munu þeir takast á við áskoranir og málefni sem eru ákveðin af þátttakendum sjálfum og eru knúin áfram af markmiðum og þemum dagsins.

Megin markmið Menntabúðanna verður að:

skapa jafningjaumhverfi þar sem miðlun þekkingar og reynslu á sér stað
veita þátttakendum tækifæri til að læra og prófa sig áfram með ýmis áhugaverð viðfangsefni
gefa þátttakendum tækifæri til þess að öðlast ný og efla tengsl við jafningja þannig að samvinna verði í framtíðinni milli fólks

Menntabúðirnar verða haldnar í Lágafellsskóla í Mosfellsbæ föstudaginn 28. september n.k. kl. 14 til 18. Allar nánari uplýsingar og skráning er að finna á heimasíðu Menntabúðanna og á Fésbókarsíðunni https://www.facebook.com/menntabudir

Forritun fyrir iPad

admin — Wed, 23 May 2012 20:55:55 +0000

Þriðjudaginn 22. maí hélt 3f fræðslufund í samstarfi við Skemu í Háskólanum í Reykjavík. Rakel Sölvadóttir flutti erindi um forritunarmöguleika fyrir og í iPad. Erindið var tekið upp og er nú hægt að horfa á það í tveimur hlutum á UT-rásinni. Hér má einnig sjá skjákynningu Rakelar.

Fræðsluerindi um forritunarmöguleika í og fyrir iPad

View more presentations from 3F - félag um upplýsingatækni og menntun.

Aðalfundur 3f

admin — Thu, 17 May 2012 22:42:34 +0000

Aðalfundur 3f verður haldinn 22. maí 2012 í Háskólanum í Reykjavík, kl. 17.

Dagskrá:

– Formaður félagsins eða staðgengill hans setur fund og tilnefnir fundarstjóra.
– Skýrsla formanns.
– Lagðir fram reikningar síðasta fjárhagsárs.
– Lagabreytingar.
– Kosning stjórnar.
– Kosning endurskoðanda.
– Önnur mál.

Að loknum aðalfundi mun Rakel Sölvadóttir fræða gesti um forritunarmöguleika í og fyrir iPad spjaldtölvur.

Fræðslufundur um iPad forritun

admin — Wed, 16 May 2012 23:33:01 +0000

Skema og 3F bjóða upp á fræðslufund um iPad forritun þann 22. maí nk. í Háskólanum í Reykjavík. Á fundinum mun Rakel Sölvadóttir fræða gesti um forritunarmöguleika í og fyrir iPad spjaldtölvur. Fundurinn hefst stundvíslega kl. 17:30 og lýkur kl. 18:30.

iPad í skólastarfi

admin — Sat, 05 May 2012 11:35:20 +0000

Miðvikudaginn 9. maí kl. 17:00 býður leikskólinn Bakkaberg og 3f til samkomu í tilefni opnunar á nýju vefsvæði um iPad í skólastarfi. Leikskólinn Bakkiberg fékk þróunarstyrk frá MMR til þess að prófa sig áfram með iPad í skólastarfi þetta skólaár. Félagsmenn 3f hafa notið góðs af því að fá að fylgjast með því sem áunnist hefur m.a. á ráðstefnunni í mars.

Reynslunni ríkari vilja kennarar í Bakkabergi miðla þekkingu sinni með öðrum kennurum og hafa þess vegna útbúið vefsvæði þar sem öllu mögulegu sem viðkemur iPad í námi og kennslu er safnað saman á einn stað. Verkefnisstjóri og aðalhvatamaður í þessu verkefni leikskólans er Rakel G Magnúsdóttir. Við vonum að félagsmenn og aðrir áhugasamir um iPad í kennslu sjái sér fært að líta við í leikskólanum Bakka í Grafarvogi og eiga saman ánægjulega stund.

Myndupptökur frá ráðstefnu 3f og HR

admin — Tue, 17 Apr 2012 20:25:33 +0000

Myndupptökur sem gerðar voru á ráðstefnunni Margt smátt gerir eitt stórt – Upplýsingatækni og nýjungar hafa verið birtar á UT-rás 3f hér á YouTube. Sjón er sögu rikari.

Margt smátt gerir eitt stórt

admin — Tue, 17 Apr 2012 19:56:58 +0000

Föstudaginn 16. mars 2012 var haldin ráðstefna 3f og Háskólans í Reykjavík. Ráðstefnan bar yfirheitið Margt smátt gerir eitt stórt – Upplýsingatækni og nýjungar.

Megin þema ráðstefnunnar var upplýsingatækni í skólastarfi. Fjallað var sérstaklega um þær breytingar sem eru að verða í skólastofunni með tilkomu smærri tækja og tóla. Spáð var í framtíðina, munu verða miklar breytingar á kennsluháttum í nánustu framtíð, hver verða áhrifin á námsgagnagerð. Ráðstefnan var samvinnuverkefni 3f og Háskólans í Reykjavík.

Allar nánari upplýsingar eru á vef ráðstefnunnar.