3f.is » featured

Skemmtikvöld 3f

admin — Sat, 06 Nov 2010 20:54:30 +0000

Mánudaginn 22. nóvember kl. 17 bjóðum við á skemmtikvöld í Verzlunarskóla Íslands. Þar ætlum við að hafa bland í poka. Sitt lítið verður kynnt af skemmtilegum opnum hugbúnaði sem áhugaverður er fyrir alla. Síðast en ekki síst ætlum við líka að opna nýja vefsíðu 3f.

Góðar veitingar og skemmtilegt fólk.

Joomlakvöld 11. nóvember

admin — Sun, 31 Oct 2010 15:20:48 +0000

Fimmtudagskvöldið 11. nóvember 2010 kl.19.30 býður 3f félagsmönnum upp á Joomla-klúbbskvöld. Árni í Álfhólsskóla í Kópavogi er svo vinsamlegur að bjóða okkur upp á aðstöðu fyrir klúbbinn. Klúbburinn er sem fyrr mjög óformlegur, boðið er upp á afnot að nettengdum tölvum í tölvuveri skólans. Við skiptumst á hugmyndum og kennum hvert öðru að vefa með Joomla vefsíðukerfinu. Við ætlum að vera með stutt innlegg, kenna ykkur að setja inn á síðurnar myndrænar tilvísanir í myndakerfi eins og Flickr.

Mest um vert er að hafa gaman af og miðla af þekkingu til hvers annars. Góðar veitingar verða í boði 3f.

Vonum að sem flestir komi og heilsi upp á okkur í Álfhólsskóla. Sjá staðsetningu hér á korti (merkt sem Hjallaskóli)

BETT 2011

admin — Wed, 27 Oct 2010 22:38:42 +0000

BETT tölvu- og hugbúnaðarsýningin verður haldin í London dagana 12. - 15. janúar 2011 og eins og áður hafa Nýherji og Úrval-Útsýn skipulagt ferð á þessa áhugaverðu sýningu.

Bett er stærsta upplýsingatæknisýning heims, sem um 30 þúsund manns sækja árlega. Sýningin tekur fyrir það helsta í upplýsingatækni í skólastarfi og hentar öllum skólastigum.

Fyrir utan það gefur staðsetningin - London - sýningunni lit með endalausum afþreyingarmöguleikum. Leikhús, markaðir, byggingar, söfn, verslanir, krár, spennandi matsölustaðir, fótboltaleikir svo eitthvað sé nefnt af því sem heillar. Það er eitthvað sem ekki er afgreitt á einum degi. Farþegar í ferðinni munu fá ítarlegar upplýsingar um hvað er í boði á þessum tíma í London.

Kynnið ykkur málið hér.