3f.is » Leikskóli

Menntabúðir – Upplýsingatækni í sérkennslu

admin — Sat, 18 Aug 2012 16:40:32 +0000

3f í samvinnu við FLS, FÍS, FSF, TMF, epli.is, A4, Varmás og fleiri býður alla velkomna í Menntabúðir (EduCamp) þar sem þemað verður Upplýsingatækni í sérkennslu.

Menntabúðir er samkoma þar sem fólk kemur saman til þess að miðla af eigin reynslu og þekkingu og afla sér fróðleiks frá öðrum þátttakendum. Þátttakendur eru í aðalhlutverki í Menntabúðum. Saman munu þeir takast á við áskoranir og málefni sem eru ákveðin af þátttakendum sjálfum og eru knúin áfram af markmiðum og þemum dagsins.

Megin markmið Menntabúðanna verður að:

skapa jafningjaumhverfi þar sem miðlun þekkingar og reynslu á sér stað
veita þátttakendum tækifæri til að læra og prófa sig áfram með ýmis áhugaverð viðfangsefni
gefa þátttakendum tækifæri til þess að öðlast ný og efla tengsl við jafningja þannig að samvinna verði í framtíðinni milli fólks

Menntabúðirnar verða haldnar í Lágafellsskóla í Mosfellsbæ föstudaginn 28. september n.k. kl. 14 til 18. Allar nánari uplýsingar og skráning er að finna á heimasíðu Menntabúðanna og á Fésbókarsíðunni https://www.facebook.com/menntabudir

Forritun fyrir iPad

admin — Wed, 23 May 2012 20:55:55 +0000

Þriðjudaginn 22. maí hélt 3f fræðslufund í samstarfi við Skemu í Háskólanum í Reykjavík. Rakel Sölvadóttir flutti erindi um forritunarmöguleika fyrir og í iPad. Erindið var tekið upp og er nú hægt að horfa á það í tveimur hlutum á UT-rásinni. Hér má einnig sjá skjákynningu Rakelar.

Fræðsluerindi um forritunarmöguleika í og fyrir iPad

View more presentations from 3F - félag um upplýsingatækni og menntun.

iPad í skólastarfi

admin — Sat, 05 May 2012 11:35:20 +0000

Miðvikudaginn 9. maí kl. 17:00 býður leikskólinn Bakkaberg og 3f til samkomu í tilefni opnunar á nýju vefsvæði um iPad í skólastarfi. Leikskólinn Bakkiberg fékk þróunarstyrk frá MMR til þess að prófa sig áfram með iPad í skólastarfi þetta skólaár. Félagsmenn 3f hafa notið góðs af því að fá að fylgjast með því sem áunnist hefur m.a. á ráðstefnunni í mars.

Reynslunni ríkari vilja kennarar í Bakkabergi miðla þekkingu sinni með öðrum kennurum og hafa þess vegna útbúið vefsvæði þar sem öllu mögulegu sem viðkemur iPad í námi og kennslu er safnað saman á einn stað. Verkefnisstjóri og aðalhvatamaður í þessu verkefni leikskólans er Rakel G Magnúsdóttir. Við vonum að félagsmenn og aðrir áhugasamir um iPad í kennslu sjái sér fært að líta við í leikskólanum Bakka í Grafarvogi og eiga saman ánægjulega stund.

iPadvinnustofur í Norðlingaskóla

admin — Wed, 02 May 2012 06:49:06 +0000

Epli.is og Norðlingaskóli standa fyrir iPad vinnustofum næstkomandi föstudag 4. maí kl. 13:30 – 16:00

Allir sem hafa áhuga á notkun iPad í skólastarfi eru hvattir til að mæta og kynna sér málin, hitta aðra og skiptast á hugmyndumog reynslusögum.

Dagskrá

13:30 – Þróunarverkefni í Norðlingaskóla: Kennarar segja frá.

14:00 – Byrjendanámskeið í notkun iPad: hvað er hægt að gera við þetta?

14:00 – iBooks Author: Gagnvirkar kennslubækur.

15:30 – Skemmtileg smáforrit.

Skráning

Myndupptökur frá ráðstefnu 3f og HR

admin — Tue, 17 Apr 2012 20:25:33 +0000

Myndupptökur sem gerðar voru á ráðstefnunni Margt smátt gerir eitt stórt – Upplýsingatækni og nýjungar hafa verið birtar á UT-rás 3f hér á YouTube. Sjón er sögu rikari.

Upplýsingatækninámskeið fyrir leik- og grunnskólakennara

admin — Mon, 09 Jan 2012 21:51:33 +0000

3f heldur upplýsingatækninámskeið fyrir leik- og grunnskólakennara í Verzlunarskóla Íslands mánudaginn 23. janúar og þriðjudaginn 24. janúar kl. 16:00–20:00 báða dagana. Kennarar verða Sólveig Friðriksdóttir, M.Ed. í tölvu- og upplýsingatækni, kennari við VÍ og Jóhanna Geirsdóttir, kennari í UT við FB.
Sama námskeið var haldið í september 2011 og komust þá færri að en vildu og voru þátttakendur afar ánægðir með námskeiðið. Námskeiðið er styrkt af Mennta- og menningarmálaráðuneytinu og er þátttakendum að kostnaðarlausu.

Á námskeiðinu verður farið m.a. í eftirfarandi þætti:

Vefpóstinn Oulook Web
Word – ritvinnslu

Nánari upplýsingar um námskeiðið

Námskeiðið verður einnig sent út með eMission fjarnámskerfinu frá Nepal svo kennarar sem ekki eiga heimangengt geta setið við eigin tölvu og hlustað á námskeiðið og fá aðgang að kennsluvef námskeiðsins.

Edublog Awards

admin — Thu, 15 Dec 2011 18:07:39 +0000

Í gærkvöldi var tilkynnt á heimasíðu Edublogs um sigurvegara í keppninni um áhugaverðustu kennarabloggin árið 2011. Það kom ekki á óvart að í flokki Best Ed Tech Blog varð blogg Richard Byrne, Free Technology for Teachers. Kosið var um bestu kennarablogginn eftir nokkrum flokkum og það eru greinilega mörg áhugaverð kennarablogg til. Það er óhætt að hvetja alla kennara á öllum skólastigum til að gefa sér tíma til þess að líta á þau blogg sem komu til álita til verðlauna. Það er nokkuð víst að allir kennarar geta fundið sér eitthvað áhugavert.

Forget Box

admin — Tue, 13 Dec 2011 05:52:51 +0000

Það kannast sennilega flestir við Dropbox gagnageymsluna í dag. Nú er komið á Netið svipuð þjónusta sem ber nafnið Forget Box. Forget Box hefur það umfram Dropboxið að það er mun auðveldara að hlaða niður stórum skjölum. Forget Box þykir því henta mun betur fyrir þá sem eru að vinna t.d. með myndbönd og ljósmyndir. T.d. ef kennarar og nemendur eru að deila með sér vinnu við stór myndbönd. Forget Box er ókeypis eins og Dropboxið.

YouTube fyrir skóla

admin — Tue, 13 Dec 2011 05:36:03 +0000

"YouTube fyrir skóla" er nýjung sem YouTube kynnti í gær. Þannig veitir YouTube skólum aðgang að ókeypis mennta YouTube vídeóum, en takmarkar aðgang að öðru YouTube efni. Nemendur geta lært af fleiri en 400.000 myndböndum sem tengjast menntun, frá þekktum samtökum eins og Stanford, PBS og TED. Myndbönd frá samstarfsaðilum YouTube sem hafa verið skoðuð milljón sinnum, eins og Khan Academy, Steve Spangler, Vísinda og raungreinamyndbönd og fl. Skólar geta einnig aðlagað YouTube þörfum skólans með því að útbúa eigin YouTuberás. Spennandi hlutir í gangi hjá þeim sem eru kynntir enn frekar í myndbandinu sem hér fer á eftir.

BETT 2012 – Skólafagsýning í janúar 2012

admin — Fri, 23 Sep 2011 20:30:44 +0000

Eins og undanfarin ár verður Nýherji í samstarfi við Úrval Útsýn með hópferð á þessa áhugaverðu skólasýningu sem er sú stærsta sinnar tegundar í Bretlandi, þar er hægt að tvinna saman fræðslu og skemmtun á hnitmiðaðann hátt.
Áfangastaðurinn er London sem er einstök borg sem iðar af lífi með fjölda áhugaverðra viðburða.
Sýningarhöllin er einungis í hálftíma fjarlægð frá hóteli þá fer mjög lítill tími í ferðir á milli staða. Að þessu sinni verður farið með Flugleiðum og verður gist á glæsilegu hóteli í miðborg London.

BETT sýningin er viðamikil og er fyrir alla sem koma að skólastarfi hvort sem það eru kennarar , stjórnendur eða tölvufólk. Sýninginn hefur auk þess fjölda áhugaverðra fyrirlestra um allt sem við kemur skólastarfi . Sjá nánar hér.