3f.is » Atburðir 2011

Úrslit í landskeppni eTwinning fyrir skólaárið 2010-2011

admin — Sat, 10 Dec 2011 14:55:26 +0000

15 verkefni tóku þátt í landskeppni eTwinning, áætlun ESB um rafrænt skólasamstarf, fyrir bestu verkefni síðasta árs í flokkum leik- og grunnskóla og framhaldsskóla.

Úrslitin voru kynnt á afmælishátíð Menntaáætlunar Evrópusambandsins í HÍ, Menntavísindasviði í gær föstudaginn 9. desember.

Dómnefnd var skipuð Fjólu Þorvaldsdóttur, Guðbergi K Jónssyni og Torfa Hjartarsyni.

Verðlaunin voru vöruúttekt frá Tölvulistanum að verðmæti 150.000 kr.

Verðlaun hlutu:
Hofstaðaskóli fyrir verkefnið Give me a hug! í flokki leik- og grunnskóla.
Verzlunarskóli Íslands fyrir verkefnið How´s life over there? Y tú ¿Cómo vives? í flokki framhaldsskóla.

F.v. Guðmundur I Markússon og verðlaunahafarnir Hilda Torres og Anna Magnea Harðardóttir

Ráðstefna og verðlaunahátíð á vegum eTwinning

admin — Wed, 07 Dec 2011 20:45:35 +0000

Þann 9. desember nk. verður haldin ráðstefna og verðlaunahátið á vegum eTwinning í Háskóla Íslands við Stakkahlíð (áður Kennaraháskóla Íslands).

Viðburðurinn hefst kl. 13:00 og stendur til 17:30.
Á dagskrá eru fyrirlestrar og vinnustofur um eTwinning, upplýsingatækni og kennslu ásamt verðlaunaafhendingu.

Þátttaka er ókeypis.

Frekari upplýsingar á vef eTwinning.

Stafræn verkfæri í skólastarfi

admin — Wed, 23 Nov 2011 20:27:57 +0000

Hér getur að líta niðurstöður könnunar 3f á mest notuðu stafrænu verkfærunum meðal íslenskra kennara. Listinn var kynntur á skemmtikvöldi 3f þann 22. nóv sl.

Stafræn verkfæri í skólastarfi

Könnunin byggir á sambærilegu verkefni sem Jane Hart stofnandi The Centre for Learning & Performance Technologies hefur staðið fyrir undanfarin 5 ár. Hér má finna upplýsingar um 100 helstu verkfæri sem kennarar í USA nota.

Top 100 Tools for Learning 2011

View more presentations from Jane Hart

Skemmtikvöld 3f

admin — Thu, 17 Nov 2011 21:21:11 +0000

Árlegt skemmtikvöld 3f verður haldið í Verslunarskóla Íslands þriðjudaginn 22. nóvember nk. Við hefjum leikinn kl. 19:30 en á dagskrá er yfirferð yfir 100 vinsælustu stafrænu verkfærin í íslensku skólastarfi. Listinn er unnin úr könnun 3f, stafræn verkfæri í skólastarfi, sem hefur verið aðgengileg á vef 3f síðustu vikur. Rétt tæplega 160 kennarar hafa nú þegar látið okkur vita hvaða hugbúnað, vélbúnað eða vefi þeir nýta mest í sínu starfi.

Við lofum góðri skemmtun og gagnlegum upplýsingum fyrir alla sem hafa áhuga á upplýsingatækni í skólastarfi. Aðgangur er að sjálfsögðu ókeypis.

Kvöldstund í vefsíðugerð

admin — Mon, 10 Oct 2011 11:26:11 +0000

Mánudagskvöldið 17. október kl. 19:30-21:30 ætlum við að hafa Kvöldstund í vefsíðugerð í Álftamýrarskóla. Það er hún Þórunn sem er svo vinsamleg að bjóða okkur í tölvustofuna sína.

Þetta verður kvöldstund með svipuðum hætti og Joomaklúbburinn sem við höfum verið með í tvo vetur. Núna ætlum við að víkka sviðið og það eru allir velkomnir þó svo þeir vinni í öðrum vefumsjónarkerfum.

Með okkur þetta kvöld verður Jónas F Steinsson vefhönnuður og Joomlasérfræðingur hjá Upplýsingatæknimiðstöð Reykjavíkurborgar. Jónas er tilbúinn að svara spurningum ykkar og ræða um vefsíðumál.
Það gildir þetta kvöld eins og áður að maður er manns gaman.

Stafræn verkfæri í skólastarfi

admin — Sun, 02 Oct 2011 16:41:12 +0000

3f stendur nú fyrir könnun á nytsamlegustu stafrænu verkfærunum í skólastarfi. Í því skyni að afla upplýsinga um hvaða stafrænu verkfæri nýtast best í íslensku skólastarfi óskum við eftir því að kennarar, skólastjórnendur, ráðgjafar, námsefnishöfundar og aðrir sem starfa í kennslugeiranum deili með okkur lista yfir þau 10 stafrænu verkfæri sem komið hafa þeim að hvað bestum notum í starfinu.

Stafrænt verkfæri í námi og kennslu getur verið allt það sem þú notar til að skapa eða miðla náms- og kennsluefni fyrir þig og/eða nemendur þína, s.s. hugbúnaður, vefskoðari, þjónusta á netinu, einstök vefsíða eða jafnvel vélbúnaður.

Til þess að taka þátt skráir þú lista yfir 10 stafræn verkfæri. Við óskum eftir því að þú skráir einstaka lausnir, s.s. WordPress í stað almennra hugtaka eins og „vefumsjónarkerfi“. Listinn þarf ekki að vera raðaður eftir mikilvægi, en útskýringar á valinu eru vel þegnar.

Niðurstöður könnunarinnar verða kynntar á vef 3f og skemmtikvöldi 3f í nóvember nk.

Smelltu hér til að taka þátt í könnuninni

Menntakvika – Málþing Menntavísindasviðs

admin — Fri, 23 Sep 2011 20:48:48 +0000

Árleg ráðstefna Menntavísindasviðs Háskóla Íslands verður haldin þann 30. september 2011 undir heitinu Menntakvika: rannsóknir, nýbreytni og þróun. Megintilgangur ráðstefnunnar er að skapa mennta- og uppeldisstéttum vettvang til að kynnast nýbreytni í rannsókna og þróunarstarfi sem unnið er í skólum landsins og innan háskólaumhverfisins. Ráðstefnan er nú haldin í 15. sinn.

Við viljum vekja sérstaka athygli á málstofum sem tengjast upplýsingatækni í stofu H205 - þrjár þeirra eru á vegum RANNUM og ein til viðbótar. Sjá nánar.

Upplýsingatækni í kennslu kl. 9.00-10.30

Ásta Kristjana Guðjónsdóttir: Að þróa námsaðferðir með tölvutækni
Brynhildur Þórarinsdóttir: Ný klæði úr fornu efni - Íslendingasögur.is
Silja Bára Ómarsdóttir: Samfélagsmiðlar í kennslu
Svava Pétursdóttir: Stafræn námsgögn við náttúrufræðikennslu - er eitthvað gagn af þeim?

Nýjar leiðir í umgjörð náms á háskóla- og framhaldsskólastigi: nýting samskiptatækni á neti (RANNUM) kl. 11:00-12:30

Ása Björk Stefánsdóttir: "Við kýldum á það" - Upplifun háskólakennara á því að kenna í fjarnámi í fyrsta sinn
Eygló Björnsdóttir: "Ég er svo óvanur svona fjarnemastússi"
Þuríður Jóhannsdóttir og Sólveig Jakobsdóttir: Togstreita og tækifæri í samkennslu stað- og fjarnema við Kennaradeild MVS
Halldór Árnason: Fjarnámsbraut í auðlindanýtingu og umhverfisfræði

Leikir og upplýsingatækni í grunnskólastarfi (RANNUM) kl. 13:30-15:00

Anna Guðrún Sigurvinsdóttir: Frá yfirvöldum til kennslustofu. Hvernig kennsla upplýsinga- og samskiptatækni endurspeglar skóla- og aðalnámskrár
Halla Ingibjörg Svavarsdóttir o.fl.: Skólasöfn í grunnskólum: vannýt auðlind í þágu skólaþróunar
Hildur Óskarsdóttir: Notkun tölvuleikja í kennslu - Raunveruleikurinn í grunnskólastarfi
Guðrún Margrét Sólonsdóttir: Samfélagsfræði í "Second life"

Torg, gáttir og önnur rými: Könnunarferð um kjörlendur náms- og starfssamfélaga (RANNUM) kl. 15:30-17:00

Sólveig Jakobsdóttir: NETTORG: Uppbygging tengsla- og félagsneta í menntun og rannsóknum
Þorbjörg Þorsteinsdóttir: Spuni 2011 - netverkfæri til náms og kennslu
Salvör Gissurardóttir: Hackerspaces og ný verkmenning - samfélög um verklag, tækni og skapandi vinnu
Sigurbjörg Jóhannesdóttir: Þróun og hugmyndafræði nýrrar Menntagáttar

Moodle dagurinn

admin — Tue, 20 Sep 2011 17:09:56 +0000

Moodle dagurinn verður haldinn þann 23. september kl. 13:15 - 17:00 í Fjölbrautaskólanum í Breiðholti (matsalurinn í nýbyggingunni – gengið inn í FB beint á móti sundlauginni í Breiðholti). Skráning fer fram á moodle.menntagatt.is

Dagskrá:

Kl. 13:15 Setning Guðrún Hrefna Guðmundsdóttir, skólameistari FB
Kl. 13:25 Moodle samstarf Viðar Guðmundsson
Kl. 13:35 Þýðing á Moodle S. Fjalar Jónsson
Kl. 13:45 Moodle leiðbeiningar Kristbjörg Olsen
Kl. 13:55 Moodle í rekstri tölvukerfa Rúnar H. Haraldsson
Kl. 14:05 Tenging Moodle við 2.0 web Salvör Gissurardóttir

Kl. 14:15 Kaffitorg

Val 1 Val 2
Kl. 14:30 Uppsetning verklegra áfanga Salvör Gissurardóttir Moodle á iPad Björk Guðnadóttir
Kl. 14:50 Próf og einkunnagjöf Guðjón Ólafsson Æfum kennaranema í að nota kennslukerfi Sigurbjörg Jóhannesdóttir

Kl. 15:10 Kaffitorg

Val 3 Val 4
Kl. 15:30 Heimasvæði notenda Kristbjörg Olsen eMission og tenging við Moodle Þór Þórsteinsson
Kl. 15:50 Moodle í grunnskólum Brynjar Marinó Ólafsson og Ágúst Tómasson Notkun Moodle í dreifnámi Kristján Ari Arason og dr. Hlynur Helgason

Moodle dagurinn er samstarfsverkefni Mennta- og menningarmálaráðuneytisins og 3F.

eTwinning-byrjendanámskeið í september

admin — Fri, 26 Aug 2011 14:51:39 +0000

eTwinning-byrjendanámskeið verða haldin í september fyrir leik-, grunn- og framhaldsskólakennara á Háskólatorgi, tölvuver HT204 kl. 12:30-16:00, námskeiðið er endurtekið fimm sinnum og haldið dagana:

1. september
2. september
7. september
20. september
21. september

Námskeiðið er frítt. Farið verður í grunnatriði eTwinning-kerfisins, þ.e.

eTwinning-vefgáttina (etwinning.net)
eigið svæði kennara (eTwinning Desktop),
hina rafrænu kennslustofu (TwinSpace)

Skráning hér á heimasíðu eTwinning á Íslandi.

Upplýsingatækninámskeið fyrir leikskólakennara

admin — Mon, 22 Aug 2011 14:26:31 +0000

3f í samvinnu við Félag leikskólakennara heldur upplýsingatækninámskeið fyrir leikskólakennara í Verzlunarskóla Íslands 5.-6. september kl.16:00-20:00 báða daganna.

ATH! ATH! ATH! föstudagur 26. ágúst.
Það er orðið fullt á námskeiðið í Verzlunarskólanum, en ennþá er hægt að skrá sig og hlusta á eMission í eigin tölvu heima hjá sér. Þannig að þeir sem skrá sig hér eftir verða að haka við að þeir ætli að taka þátt í námskeiðinu úr fjarlægð. Við sendum svo slóð og aðgangsorð tímanlega áður en námskeiðið hefst.

Skráning á námskeiðið hér.

Sjá nánar um námskeiðið hér.