3f.is » Atburðir 2010

Heitustu græjurnar á árinu 2010

admin — Sun, 19 Dec 2010 16:30:05 +0000

Í Fréttablaðinu um helgina skrifar Jón Aðalsteinn Bergsveinsson um helstu græjurnar á árinu 2010. Við birtum hér tilvísun í grein hans ef einhver er enn að leita að jólagöf fyrir félagsmenn. Græjur þær sem Jón Aðalsteinn bendir á eru vel flestar á óskalista áhugafólks um upplýsingatækni í menntun. Ekki satt?

100 bestu stafrænu verkfærin í námi og kennslu

admin — Sun, 19 Dec 2010 16:14:08 +0000

Enn eitt árið hefur Jane Hart, stofnandi Centre for learning and Performance Technologies tekið saman lista yfir 100 bestu verkfærin til þess að nota í námi og kennslu.

100 bestu stafrænu verkfærin í námi og kennslu on Prezi

Jólin 2.0 – Jólasagan eilífa á tölvuöld með iPhone, Google Maps, Facebook..

admin — Sat, 18 Dec 2010 17:08:51 +0000

Kennsluaðferðir Háskóla “sökka”

admin — Sun, 28 Nov 2010 19:43:00 +0000

Dr. Tae — Building A New Culture Of Teaching And Learning from Dr. Tae on Vimeo.

Skemmtikvöld 3f

admin — Tue, 23 Nov 2010 20:09:48 +0000

Mánudaginn 22. nóvember 2010 kl. 17 bjóðum var haldið skemmtikvöld í Verzlunarskóla Íslands. Þar var bland í poka. Sitt lítið var kynnt af skemmtilegum opnum hugbúnaði sem áhugaverður er fyrir alla. Síðast en ekki síst opnuðum við nýja vefsíðu 3f.

Góðar veitingar og skemmtilegt fólk.

Ný heimasíða opnuð á skemmtikvöldi

admin — Mon, 22 Nov 2010 23:29:14 +0000

Síðdegis í dag var opnuð formlega ný heimasíða 3f. Við eigum eiginlega bara eftir að færa hana yfir á vefslóðina okkar og þá er hún tekin við af þeirri gömlu. Þessi nýja heimasíða er gerð með vefumsjónarkerfinu WordPress, en sú gamla var gerð með Joomla.

Á skemmtikvöldinu fór Fjalar yfir 100 bestu stafrænu verkfærin í námi og kennslu. Þetta er listi sem Jane Hart, stofnandi Centre for learning and Performance Technologies tekur árlega saman. Hér má sjá kynninguna sem unnin var í Prezi.

Við áttum saman notalegt síðdegi og margt áhugavert til umræðu.

eLearning Awards 2010 afhent í Kaupmannahöfn

admin — Sun, 21 Nov 2010 11:34:29 +0000

Skólar frá níu löndum hlutu viðurkenningu fyrir frammúrskarandi notkun á upplýsingatækni í árlegri verðlaunasamkeppni Evrópska skólanetsins. Alls voru 573 verkefni skráð í keppnina í ár frá 39 löndum. Einungis eitt íslenskt verkefni tók þátt í þetta skipti.

Sigurvegararnir í ár eru:

Acer verðlaunin fyrir samvinnunám (e. collaborative learning)

Christian Frahm, kennari við Walter-Gropius-Schule í þýskalandi
Naturlich Europa

Í öðru sæti
Lieven van Parys, kennari við Free Primary School Meulebeke í Belgíu
Make a Wiz

Microsoft verðlaunin fyrri frammúrskarandi kennara

Kelly Conor, kennari við Moyle Park college, Írlandi
Filming the poem

Í öðru sæti
Ozge Karaoglu, kennari við Terakki Foundation Schools í Tyrklandi
Digital games by digital learners

Smart verðaunin fyrir stærðfræði, vísindi og upplýsingatækni

Matteo Cattadori, Tridento náttúruvísindasafnið á Ítalíu
i-Cleen

Í öðru sæti
Joao Paulo Vieira, kennari við Escola Secundária D. Maria II í Portúgal
Experimental astrophysics in the field of photometry - detection of exoplanets

Enisa verðlaunin fyrir kennslu í borgarafræðum og netöryggi

Birgy Lorenz, kennari við Pelgulinna Gymnasion í Eistlandi
TurvaLan 2009

Í öðru sæti
Lucian Duma, kennari við Special School Caransebes í Rúmeníu
Teach, learn, play in 21st Century using web 2.0, social media used in an e-Safe way in education 2.0

Europeana verðlaunin fyrir stafræna arfleifð Evrópu

Donal O'Mahony, kennari við Portmarnock Community School á Írlandi
20g Blogs

Í öðru sæti
Marcos Vence Ruibal, kennari við IES San Clemente skólann á Spáni
Pek the traveller flea

Minn eiginn vefur

admin — Wed, 17 Nov 2010 19:52:08 +0000

3f hélt námskeið í vefsíðugerð sem bar nafnið Minn eiginn vefur í október til nóvember 2010. Námskeiðið var hugsað fyrir alla áhugasama kennara sem hafa áhuga á að læra vefsíðugerð frá grunni.

Á námskeiðinu lærðu þátttakendur að skrá íslensk lén, sækja um vefhýsingu og setja upp eigin vef frá grunni. Unnið var með WordPress vefumsjónarkerfið sem er opinn og ókeypis hugbúnaður. Þátttakendum var frjálst að móta vef að eigin vali og fá aðstoð við uppsetningu, útlit og efnisvinnslu í WordPress vefumsjónarkerfinu. Geta má þess að þetta vefumsjónarkerfi hefur verið mjög vinsælt sem persónulegir vefir, bekkjarvefir og æ fleiri skólar eru farnir að gera heimasíður sínar með þessu kerfi.

Kennslan fór fram í þremur staðbundnum lotum í kennslustofu ásamt því sem þátttakendur hafa aðgang að kennara og kennsluefni í gegnum Moodle námsstjórnunarkerfið. Kennari verður S. Fjalar Jónsson. Námskeiðsgjald er einungis 8.000 kr.

Námskeiðið var haldið í Fjölbrautaskólanum í Breiðholti eins og hér segir:
6. október kl. 17:45-20
13. október kl.17:15-20 (viðbætur - vinnustofa)
20.október kl. 17:45-20
10. nóvember kl. 17:45-20

Góður rómur hefur verið gerður að vefsíðunámskeiðunum sem 3f hefur staðið fyrir, en því miður ræðst fjöldi þátttakenda af aðstæðum og því komast einungis 22 að á námskeiðinu. Ef áhugi verður mikill mun námskeiðið verða endurtekið.

Joomlaklúbbur – kvöldstund í vefsíðugerð

admin — Wed, 17 Nov 2010 19:30:09 +0000

Fimmtudagskvöldið 11. nóvember 2010 kl.19.30 bauð 3f félagsmönnum upp á Joomla-klúbbskvöld. Árni í Álfhólsskóla í Kópavogi var svo vinsamlegur að bjóða okkur upp á aðstöðu fyrir klúbbinn.

Klúbburinn var sem fyrr mjög óformlegur, boðið var upp á afnot að nettengdum tölvum í tölvuveri skólans. Við skiptumst á hugmyndum og kennum hvert öðru að vefa með Joomla vefsíðukerfinu. Við vorum með stutt innlegg, kenndum þátttakendum að setja inn á síðurnar myndrænar tilvísanir í myndakerfi eins og Flickr.

Mest um vert var að hafa gaman af og miðla af þekkingu til hvers annars. Góðar veitingar voru í boði 3f.

Vel heppnaður Joomlaklúbbur

admin — Tue, 16 Nov 2010 23:27:03 +0000

Fimmtudaginn 11. nóvember s.l. var haldinn vel heppnaður Joomlaklúbbur í Álfhólskóla hjá honum Árna. Það er alveg frábært hvað það eru alltaf margir að mæta í klúbba af þessu tagi og allir fara glaðir heim eftir skemmtilega samveru.

Á fundinum kynnti Sigurður Fjalar nokkrar leiðir til þess að samþætta Joomla 1.5 og myndir af Flickr. Hér er hægt að sækja leiðbeiningar sem Fjalar setti saman af þessu tilefni.

Hér má sjá myndir sem Árni tók þetta skemmtilega kvöld og hér eru svo nokkrar til viðbótar sem Fjóla tók.