Klúbburinn var mjög óformlegur, boðið er upp á afnot að nettengdum tölvum í tölvuveri skólans. Við  skiptumst á hugmyndum og kenndum hvort öðru að vefa með Joomla vefsíðukerfinu. Skipti þá engu hvort Joomla 1.0 eða 1.5 varum að ræða.

Þeir sem höfðu áhuga gátu einnig lært eitthvað nýtt, t.d. að setja inn myndir og setja á þær tags.

Rakel sendi okkur smá pistil um starfið og áhugaverðar krækjur sem rætt var um svo allir félagsmenn megi njóta (Nánar hér fyrir neðan). Hér má sjá myndir sem Sverrir J. Dalsgaard tók í gær.

Rakel sýndi okkur leikskólann og síðan kynnti hún starfið sem þar lýtur að upplýsingatækninni. Smart-skjárinn var skoðaður og sýnt hvernig hægt er að nýta hann í leik og námi leikskólabarna. Skjárinn er mjög skemmtilegt tæki sem býður upp á fjölmarga möguleika.

Heimasíðan á Bakka var skoðuð og farið var vel í það hvernig hún er uppbyggð. Rætt var um mikilvægi þess að vera með lifandi forsíðu ef viðkomandi ætlar á annað borð að halda úti heimasíðu á vefnum. Síðan var farið í ýmsar hagnýtar upplýsingar eins og réttindamál á því sem notað er á viðkomandi heimasíðu. Myndir af börnunum sem birtast opinberlega og mikilvægi þess að virða einkalíf þeirra og birta þar með flestar myndirnar af þeim á læstri myndasíðu. Rætt var um stærðir mynda sem fara á vefinn og hvað það er alltof algengt að þær séu ekki minnkaðar áður en þær eru settar út á vefinn. Að lokum var rætt um upplýsingatæknina á Bakka og hvaða forrit eru helst notuð. Hér er listi yfir helstu forritin:

• Joomla - vefsíða Bakka
• Photoshop
• PowerPoint
• Word
• Publisher - bæklingar og tilkynningar
• Dreamweaver – heimasíðuforrit
• Movie Maker
• IMovie
• inal Cut
• Photoshop Lightroom
• KidPix
• Flashmeeting

Ekki gafst tími til að fara nema lauslega yfir allt sem við gerum hér á Bakka og tengist upplýsingatækninni. Fyrir áhugasama er hægt að afla sér nánari upplýsingar á eftirfarandi slóðum:

Magic of colors
http://twinblog.etwinning.net/5682/
http://magicofcolorsetwinning.blogspot.com/2009/09/little-painters_08.html
http://www.srlausnir.is/davinci/index.html

Math - easy and interesting
http://twinblog.etwinning.net/13694/

Our Countries
http://twinblog.etwinning.net/5424/
http://www.leikskolinn-bakki.is/index.php?option=com_content&view=category&layout=blog&id=82&Itemid=196

Our Feathery Friends
http://twinblog.etwinning.net/birds/
http://www.leikskolinn-bakki.is/index.php?option=com_content&view=category&layout=blog&id=96&Itemid=300025

The four elements

http://www.leikskolinn-bakki.is/index.php?option=com_content&view=category&layout=blog&id=81&Itemid=195·         http://twinblog.etwinning.net/4018/

Through the children's eyes
http://twinblog.etwinning.net/8306/
http://www.flickr.com/photos/bakkamyndir/

Ný síða í vinnslu sem heldur utan um alla hlekkina sem takaþátt í verkefninu

With a Book I can Fly
http://twinblog.etwinning.net/14716/ - ný stofanð verkefni á eftir að koma eitthvað inn Aukavefir Bakka

Jólasíða - http://www.srlausnir.is/jol/jolin.html
Páskasíða – http://www.srlausnir.is/paskar/index.htm

Erum líka með eldri verkefni sem má sjá á heimasíðu skólans

http://www.leikskolinn-bakki.is/index.php?option=com_content&view=article&id=888&Itemid=300020

Við á Bakka þökkum ykkur í 3F kærlega fyrir komuna og gjöfina, það er alltaf gaman að sýna stoltið sitt.

Kær kveðja,

Rakel.

Þessu er við að bæta að frí og opin forrit sem Fjóla talaði um að nota mætti með ungum börnum er hægt að nálgast á heimasíðu 3f hér.

Forrit sem nýlega eru komin á markað eru:

http://storybird.com/ og http://goanimate.com

Fyrir hádegi voru fræðandi erindi sem tengjast viðfangsefni ráðstefnunnar og eftir hádegi voru bæði málstofur og vinnustofur.
Reynt var að nálgast viðfangsefnið eftir fræðilegum og hagnýtum leiðum.

Markmið með ráðstefnunni er að:

• veita áhugafólki um upplýsingatækni og menntun tækifæri og vettvang til umræðna
• kynna, veita fræðslu og hagnýt ráð
• styrkja og hvetja kennara og aðra áhugasama til dáða á þessu sviði
• Aðalfyrirlesari haustráðstefnunnar, Skapandi sólastarf - Opnar leiðir í námi og kennslu verður Dr. Sugata Mitra.
  
  Dr. Sugata Mitra hefur síðustu þrjú ár verið prófessor í Educational Technology, School of Education, Communication og Language Sciences í Háskólanum í Newcastle í Bretlandi.Þekktastur er Sugata Mitra fyrir verkefni sem hann var með á Indlandi og hét Hole in the Wall. Tilraun sem var gerð árið 1999. Tölvu var komið fyrir í vegg á fjölförnum vegi í smáþorpum á Indlandi og fylgst með því hvað gerðist. Rannsóknin leiddi í ljós að börn geta nýtt sér tölvu og flakkað um á Internetinu án þess að hafa fengið formlega þjálfun til þess.
  Dr. Sugata Mitra er mikilsvirtur fræðimaður á sínu sviði og eftirsóttur fyrirlesari víða um heim.

Meira um ráðstefnuna á heimasíðu hennar.

Það er einlægur vilji stjórnar 3f að koma sem mest og best á móts við þarfir félagsmanna. Stjórnin sendi því fyrir skömmu út til félagsmanna könnun þar sem að þeir gátu gefið til kynna hvers konar námskeið þeir gætu hugsað sér að sækja á vegum félagsins. Niðurstaðan liggur nú fyrir.

Það voru 69 félagsmenn sem gáfu sér tíma til þess að taka þátt og svörin voru þessi.

Sá möguleiki var einnig fyrir hendi að koma með aðrar tillögur en hér eru nefndar. Það voru nokkrir sem gerðu það og bentu á eftirfarandi:

• Photoshop námskeið
• Gott væri ef hægt væri að bjóða uppá þessi námskeið í fjarfundarbúnaði.
• Möguleikum á upplýsingatækni með ungum börnum á skapandi hátt.
• Þetta eru bara spennandi tillögur hjá ykkur, en hvað með Twitter er það að detta út? eða ekki vinsælt á Ísl? Datt í hug hvort að það passaði með Facebook ?
• er 3F að breytast í sértrúarsöfnuð fyrir opinn hugbúnað og Joomla?
• Hafa hittinga þar sem fólk getur spjallað saman um hvaða leiðir, tæki og tól það er að nota í fjarkennslu og þar með deilt sinni reynslu. Tungumálafög sér jafnvel og raungreinafög sér.
• Vefforritum með gagnagrunni, t.d. PHP og MySQL
• Ég myndi líka vilja sjá námskeið eða ráðstefnu um möguleika linux-stýrikerfa í kennslu og námi.
• Ubuntu/Linux námskeið og kynningu á EdUbuntu!
• Opinn hugbúnaður og möguleikar við stjórnun menntastofnana. Námskeiðahald, endurmenntunargreining , samskipti, ofl.

Stjórn 3f þakkar öllum sem tóku þátt í könnuninni og lítur á niðurstöðuna sem leiðarvísir inn í vetrarstarfið. Við vonumst til þess að verða við sem flestum óskum félagsmanna.

Klúbburinn var mjög óformlegur, boðið var upp á afnot að nettengdum tölvum í tölvuveri skólans. Skiptst var á hugmyndum og þátttakendur kenndu hvert öðru að vefa með Joomla vefsíðukerfinu. Skipti þá engu hvort Joomla 1.0 eða 1.5 er um að ræða.

Góður rómur hefur verið gerður að Joomla-námskeiðunum sem 3f hefur staðið fyrir.

Hér á vefnum er byrjað að safna efni um Joomla.

Eins og áður hefur komið fram í samskiptum okkar hefur bréf 3f, félags um upplýsingatækni og menntun, um upplýsingatækni, lykilhæfni og námskrárgerð borist ráðuneytinu.

Nú fer fram undirbúningur endurskoðunar aðalnámskrár fyrir öll skólastig í kjölfar lagasetningar á Alþingi s.l. sumar. Í þeirri vinnu er leitast við að þróa menntakerfið allt og byggja á heildarsýn um menntun og skólastarf og tryggja samfellu í námsframboði og starfsháttum á öllum skólastigum. Í þessari undirbúningsvinnu hefur verið horft til menntaumræðu víðsvegar og leitað fanga þar sem endurskoðun menntastefnu og námskráa fer fram.

Stefnt er að því í upphafi skólaárs haustið 2009 að drög liggi fyrir að almennum hlutum aðalnámskrár fyrir leikskóla, grunnskóla og framhaldsskóla og megin áherslur menntastefnunnar. Þá fer væntanlega fram kynning og umræða um þau.

Reynt hefur verið að tryggja samráð um þessa vinnu við helstu hagsmunaaðlila, s.s. kennarasamtök og samtök sveitarfélaga. Liður í þessu undirbúningsstarfi var m.a. námskeið með lykilstarfmönnum framhaldsskólanna, en nýju lögin gera ráð fyrir mun róttækari breytingum í námskrám framhaldsskóla, en annarra skólastiga. Á námskeiðinu voru m.a. kynntar hugmyndir sem eru í þróun á vettvangi Evrópusambandsins um menntastefnu. Þaðan voru fengnar að láni hugmyndir um lykilhæfni sem þið gerið að aðalatriði í bréfi ykkar. Við höfum gert nokkrar æfingar með útfærslu lykilhæfni, eins og fram kemur í bréfi ykkar. Ekkert hefur verið ákveðið með endanlegar skilgreiningar lykilhæfniþátta, enda hangir það saman við heildarstefnumótun í menntamálum.

Ekki hefur verið ákveðið hvort í námskrárgerðinni lagt verður útaf hugmyndafræði sem byggir á lykilhæfni frekar en núgildandi námsmarkmiðum. Enn eru ýmis atriði óleyst í því sambandi. Við í ráðuneytinu erum meðvituð um mikilvægi þess að allir búi yfir hæfni í upplýsingatækni og notkun tölva í því sambandi og ég er sammála ykkur um að þátt upplýsingatækninnar þarf að efla og skýra í framsetningu lykilhæfniþáttanna.

Við fögnum áhuga ykkar á þessu atriði og væntum þess að eiga gott samstarf við félag ykkar um námskrárvinnuna sem framundan er. Æskilegt væri að fulltrúar félagsins kæmu til fundar við námskrárfólk ráðuneytisins síðar í mánuðinum til að skýra þessi atriði.

Virðingarfyllst,
Sigurjón Mýrdal

--------------------------------
Sigurjón Mýrdal deildarstjóri
Menntamálaráðuneyti