Aðalfyrirlesari ráðstefnunnar var virtur sérfræðingur á sviði fjarmenntunar, Terry Anderson.
Anderson er prófessor við háskólann í Athabasca í Kanada og stundar rannsóknir á fjarnámi og fjarkennslu. Hann er m.a. þekktur fyrir bók sína Theory and Practice of Online learning.

Auk Terry Anderson héldu erindi Sigurlaug Kristmundsdóttir kennari með áratuga reynslu af fjarkennslu og Guðbjörg Aðalbergsdóttir skólameistari sem hefur undanfarin ár komið á fót nýjum framhaldsskóla sem er um þessar mundir í miklum landvinningum á Vestfjörðum. Síðastu á dagskrá var Carl Svensson sem sagði frá því hvernig fjarkennsla fer fram hjá frændum okkar Svíum.

• Terry Anderson - upptaka, mynd og hljóð
• Sigurlaug Kristmannsdóttir - hljóðupptaka af fyrirlestri - glærur
• Guðbjörg Aðalbergsdóttir - hljóðupptaka af fyrirlestri
• Carl Svenson - hljóðupptaka af fyrirlestri

Með dyggri aðstoð Háskólans í Reykjavík, Verzlunarskólans og menntamálaráðuneytisins gat 3f boðið frítt á þessa ráðstefnu.

Að mati undirbúningsnefndar og þátttakenda á ráðstefnu 3f og HR föstudaginn 17. október sl. þótti ráðstefnan takast vel. Flutt voru mjög áhugaverð erindi og kann undirbúningsnefndin fyrirlesurum bestu þakkir fyrir þeirra framlag. Verzlunarskóli Íslands, Háskólinn í Reykjavík og menntamálaráðuneytið eiga einnig bestu þakkir skyldar fyrir myndarlegan stuðning við ráðstefnuna. Heildarfjöldi þátttakenda var hátt í níutíu. Fyrir hádegi ráðstefnudaginn voru haldnir tveir fundir þar sem fulltrúum háskóla og framhaldsskóla gafst tækifæri á að spjalla við fyrirlesara. Þema umræðnanna var; Hvað virkar í fjarkennslu? Fundirnir þóttu takast með miklum ágætum og var haft á orði að svona umræður þyrftu að eiga sér stað oftar.

Glærur frá ráðstefnunni , upptökur og fleira má finna á ráðstefnuvefnum.

Í leikskólanum Furugrund starfar Fjóla Þorvaldsdóttir gjaldkeri 3f og ætlar hún að taka vel á móti leikskólakennurum, sýna þeim skólann, spjalla um þau viðfangsefni sem hún stýrir í leikskólastarfinu og bjóða upp á morgunverð. Fjóla hefur verið frá því í maí 2007 verkefnisstjóri í þróunarstarfi sem lýtur að því að auka upplýsingatækni í leikskólanum. Hægt er að kynna sér verkefnin á heimasíðu Furugrundar.

Það var ágætlega mætt á þennan viðburð félagsins.

Það eru eins og sjá má áhugasamir nemendurnir á Joomlanámskeiðinu sem haldið er um þessar mundir í Verzlunarskóla Íslands. 3f vill þakka stjórnendum Verzlunarskólans kærlega fyrir aðstöðuna, það er félaginu ómetanlegt að eiga svo góða að. Seinni hluti námskeiðsins verður síðan þriðjudaginn 30. september.

Dagskrá:

Fjölbreytt er flóran – könnun á starfsheitum í upplýsingatæknimennt

Dagný E Birnisdóttir skólasafnskennari í Lundarskóla á Akureyri.

Dagný gerði haustið 2006 könnun á starfsheitum sem tengjast upplýsingamennt í íslenskum grunnskólum. Athugunin beindist að starfsheitum þeirra sem starfa á skólasöfnum og þeirra sem sinna tölvukennslu og/eða tölvuumsjón. Í könnuninni komu fram 42 starfsheiti yfir þá sem sinna tölvukennslu og/eða tölvuumsjón í íslenskum grunnskólum. Á skólasöfnum fundust 22 starfsheiti. Í erindi sínu ætlar Dagný að skýra nánar frá niðurstöðum sínum sem eru mjög áhugaverðar.

Stutt hlé – kaffi og kaka

Hver er staðan og hvert á að stefna: Á vit nýrra ævintýra.

Ida Semey öldungardeildarstjóri og spænskukennari í Menntaskólanum í Hamrahlíð.

Ida Semey fór á ráðstefnu í Danmörku haustið 2006 sem bar yfirskriftina„Læra um netið. Læra á netinu.“ Ráðstefnan var skipulögð fyrir kerfis- og netstjóra í menntageiranum, kennara og notendur “Danish Research Network”. Á ráðstefnunni var farið yfir stöðuna og ýmsar nýjungar ræddar. Rannsóknanetið hvetur til framleiðslu og rannskókna á stafrænu efni, á notkun og framleiðslu myndupptaka (video) til notkunnar í kennslu á háskólastigi. Í erindinu verður farið yfir það helsta sem fram kom á ráðstefnunni og stutt kynning mun verða á heimasíðu Rannsóknanetsins ásamt starfsemi þess.Sjálf er Ida að framleiða myndefni (video) til notkunnar í tungumála­kennslu og ætlar hún að fletta áhuga sinn á því sviði inn í erindið.

Aðalmarkmið rannsóknarstofunnar er að auka og efla menntarannsóknir og þróunarstörf sem tengjast upplýsingatækni og miðlun. Upplýsingatæknibyltingin hefur valdið gríðarlegum breytingum sem móta störf og lífsstíl fólks og hvergi sér fyrir endann á. Áhrif á nám og skólastarf hafa einnig verið töluverð. Innlendar og erlendar rannsóknir benda til að tölvuvæðing grunnskóla sé langt komin hér á landi en nýting upplýsingatækninnar mun síður.

Mikil þróun hefur engu að síður átt sér stað í fjarnámi og -kennslu, ekki síst í kennaramenntun og á framhaldsskólastiginu. Kortleggja þarf þróun í nýtingu upplýsingatækni á öllum skólastigum, kanna m.a. áhrif hennar á uppeldi og skólastarf, kennara og nemendur, hvernig efla má færni nemenda og kennara á sviðinu, skoða möguleika og tálma sem í tækninni felast og þau vandamál sem henni geta fylgt. Brýnt er að bæta og auka samstarf einstaklinga, samtaka og stofnana hvað varðar rannsóknir og þekkingarmiðlun. Einnig þarf að efla samstarf um nýsköpun, þróun og mat, t.d. á stafrænu námsefni og fræðsluefni fyrirtækja, stofnana og safna, afþreyingarefni eða leikjum, búnaði sem stuðlar að tæknilæsi á meðal barna og unglinga og margvíslegum hugbúnaði til skráningar, samskipta og miðlunar. Rannsóknarstofan stefnir að því að skoða þarfir og safna hugmyndum að rannsóknum og þróunarverkefnum á vettvangi. Sett verður fram áætlun sem felur í sér þjálfun háskólanema og ungs vísindafólks í nánu samstarfi við skóla og atvinnulíf. Stefnt er að öflugu samstarfi innlendra og erlendra aðila af mismunandi fræðasviðum.

Þeir sem vilja gerast stofnaðilar að rannsóknarstofunni snúi sér sem fyrst til Sólveigar Jakobsdóttur.

Það var Dagný Elfa Birnisdóttir skólasafnskennari á Akureyri, stjórnarmaður í 3f og nemandi við framhaldsdeild KHÍ sem gerði könnunina í tengslum við nám sitt.

Markmiðið var að skoða starfsheiti í skólum með fleiri en 50 nemendur eða alls 138 skóla af 176 grunnskólum landsins. Upplýsingar fengust frá 93,5% þeirra skóla sem kanna átti.

Spurt var: Er sérstakur starfsmaður sem sér um tölvukennsluna eða tölvumálin í skólanum? Ef svo er, hvað kallið þið hann?

Tvö starfsheiti skáru sig mjög úr. Tölvukennari kemur fyrir 26 sinnum (21% af heildinni) og tölvuumsjónarmaður kemur fyrir 18 sinnum (14, 5% af heildinni). Nokkuð er langt í þriðja vinsælasta starfsheitið sem er kerfisstjóri en það kemur fyrir 7 sinnum (6%). Starfsheitin tölvukennari og tölvuumsjónarmaður eru notuð jafnt í fámennum sem fjölmennum skólum. Starfsheitið kerfisstjóri er einungis notað í skólum með yfir 320 nemendum nema í einum skóla þar sem nemendur eru 84. Starfsheitið tölvukennari finnst í öllum kjördæmum nema Norðvesturkjördæmi og vinsælast er það í Suðvesturkjördæmi þar sem 9 bera þetta heiti. Tölvuumsjónarmaður finnst í öllum kjördæmum. Kerfisstjóra er ekki að finna í Reykjavíkurkjördæmi suður og Norðausturkjördæmi en því síðarnefnda er til starfsheitið kerfisstjóri í tölvum.

Fram kom í könnunni að mörgum finnst vanta góð starfsheiti varðandi tölvurnar. Starfsheitið tölvukennari þykir sumum vera orðið úrelt. Ef tölvukennari hafði umsjón með tölvunum virtist starfsheitið tölvuumsjónarmaður vera notað, ekki tölvukennari. Tölvukennsla og tölvuumsjón fera alls ekki alltaf saman og ýmsir virðast koma að tölvuumsjóninni. Nokkuð algengt virðist vera að umsjónarmenn fasteignanna (húsverðir) hafi hana með höndum en einnig aðrir kennarar en tölvukennararnir t.d. er dæmi um tónlistarkennara sem sér um tölvur í sínum skóla. Áberandi að þeir sem bera deildarstjóratitla í sambandi við tölvurnar eru nær allir frá Reykjavíkurkjördæmunum. Af 20 sem bera einhvers konar deildarstjóratitla eru aðeins 2 frá öðrum kjördæmum.

Dagný skoðaði einnig starfsheiti þeirra sem sjá um og kenna á skólasöfnum (bókasöfnum) og þá skoðaði hún heimsíður skóla. Hún hefur kynnt þessa könnun, m.a. á aðalfundi 3f en glærur Dagnýjar með frekari upplýsingum verður brátt hér á vefnum.

Hér má sjá myndir sem teknar voru á fundinum.

Stjórn 3f þakkar þátttakendum fyrir komuna, fyrirlesurum fyrir þeirra innlegg og HA fyrir samstarfið.

Hér má finna upptökur, glærur og fleira efni frá fyrirlesurum.

Upplýsingaöldin í skólum Akureyrarbæjar. Gunnar Gíslason skólafulltrúi Akureyrarbæjar. Upptaka.

Við spyrjum frekar en að svara. Arnar Yngvason, deildarstjóri á leikskólanum Iðavelli á Akureyri, fjallaði um hugmyndaauðgi barna og hvernig starfsfólk Iðavallar umgengst þann auð. Upptaka.

Netið til náms. Notkun vefleiðangra í skólastarfi. Eygló Björnsdóttir, lektor við kennaradeild Háskólans á Akureyri. Margir kennarar vilja gjarnan hagnýta Netið í skólastarfinu en skortir skilgreindar leiðir til að byggja upp slíkar kennslustundir. Ein af leiðunum til þess er hönnun og notkun vefleiðangra. Upptaka.

Opin upplýsingatækni í Flúðaskóla. Elín Jóna Traustadóttir, deildarstjóri í upplýsingatækni fjallaði um þá þætti í opnum kerfum sem verið er að nota í Flúðaskóla í Árnessýslu. Upptaka.

Menntagátt og leiðin að notkun upplýsingatækni. Björn Sigurðsson, vefstjóri Menntagáttar kynnir í stuttu máli þá þjónustu sem vefurinn Menntagátt býður öllum kennurum upp á. Upptaka.

Opið –frjálst –ódýrt (glærusýning) - glærur. Sigurður Fjalar Jónsson, verkefnisstjóri og kennari við FB m.m. Uppgangur frjáls og opins hugbúnaðar hefur haft afdrifarík áhrif á landslag upplýsingatækninnar undanfarin ár. Í erindinu verður fjallað um margvísleg áhrif þessara breytinga á nám og kennslu og þau tækifæri sem þær hafa skapað kennurum jafnt sem nemendum. Upptaka.

Wiki í námi og kennslu. Salvör Gissurardóttir, lektor við Kennaraháskóla Íslands. Upptaka.

Yfirlit yfir upptökurnar.

Skólavefurinn var stofnaður í byrjun árs 2000. Vefurinn hefur vaxið jafnt og þétt frá þeim tíma og er nú stærsti náms- og fræðsluvefur landsins. Á vefnum er að finna vandað efni fyrir leik-, grunn-, framhalds- og háskóla og fróðleiksfúst fólk á öllum aldri. Nær allir skólar á landinu eru áskrifendur að vefnum, auk þúsunda einstaklinga. Á Skólavefnum vinna u.þ.b. 10 manns, en auk þeirra eru margir sem vinna að einstökum afmörkuðum verkefnum.

Það kom fundarmönnum verulega á óvart hversu umfangsmikill vefurinn er. Daglega er sett inn mikið magn af kennsluefni sem áhugavert er fyrir alla kennara á hvaða skólastigi sem þeir kenna. Mikið af myndböndum til tungumálakennslu og hljóðskrám eru komnar inn á vefinn og er hægt að hlusta á mörg skáldverk og fróðleik um íslensk skáld. Það færist í vöxt að eldra fólk færi sér vefinn í nyt til þess t.d. að hlusta á Íslendingasögurnar.

Stjórn 3f þakkar þeim félögum Jökli og Páli kærlega fyrir góða og fræðandi kynningu.