3f.is » Atburðir 2007

Vörður vísa veginn – ráðstefna 3f 2007

admin — Sat, 17 Nov 2007 20:13:21 +0000

3f stóð fyrir ráðstefnu í Verslunarskóla Ísalnds 2. nóvember 2007. Að mati undirbúningsnefndar og þátttakenda á ráðstefnu 3f þótti ráðstefnan takast vel. Flutt voru mörg áhugaverð erindi og kann undirbúningsnefndin fyrirlesurum bestu þakkir fyrir þeirra framlag. Verzlunarskóli Íslands, Háskólinn í Reykjavík og menntamálaráðuneytið eiga einnig bestu þakkir skyldar fyrir myndarlegan stuðning við ráðstefnuna. Heildarfjöldi þátttakenda var hátt í eitt hundrað. Það er stefna stjórnar 3f að gera ráðstefnu sem þessa að árlegum viðburði.

Glærur frá ráðstefnunni og fleira má finna á ráðstefnuvefnum: 3f-radstefna.wikispaces.com.

Námskeið í Office 2007

admin — Sat, 22 Sep 2007 19:58:58 +0000

3f hélt námskeið í notkun Office 2007 í Tölvuveri Verzlunarskóla Íslands 2.hæð föstudagana 14. september og 21. september 2007 kl.13.30-16.30 báða dagana. Kennarar voru Jóhanna Geirsdóttir, tölvukennari við Fjölbrautarskólann í Breiðholti.

Samræður allra skólastiga

admin — Mon, 17 Sep 2007 20:06:46 +0000

Laugardaginn 15.september 2007 var Software Freedom day. Alþjóðlegur dagur þar sem áhugafólk um opinn hugbúnað leitast við að vekja athygli á kostum slíks búnaðar. Fyrir ári síðan eða 16. september 2006 var Félag um opinn hugbúnað í skólastarfi á Íslandi stofnað, félagsskapirinn ber nafnið Ísfoss. Í tengslum við ráðstefnuna Samræður milli skólastiga sem haldin var á Akureyri nokkru síðar eða 29-30 september 2006 þá tók 3F að sér að skipuleggja tvær málstofur og var önnur þeirra netmálstofa sem alfarið var notast við opin hugbúnað á Interetinu. Það var Salvör Gissurardóttir lektor sem stýrði málstofunni og S. Fjalar frá Reykjavík og Elín Jóna frá Flúðum komu með innlegg.

Leikskólakennarahittingur

admin — Mon, 17 Sep 2007 19:46:59 +0000

Miðvikudaginn 5.september 2007 kl. 17 hittust leikskólakennarar sem lokið hafa framhaldsnámi í tölvu- og upplýsingatækni í kaffihúsi Perlunnar. Tíu kennarar mættu til fundarins og tókst hann mjög vel.

Umræðuefnið var:

1. Staðan í tölvumálum leikskóla, hvað er jákvætt í gangi hjá sveitarfélögunum.

2. Stöður umsjónarmanna í upplýsingatækni í leikskólum? Grunnskólarnir eru komnir með þessar stöður af hverju ekki leikskólanir?

3. Þróunarverkefni í tölvu- og upplýsingatækni hvað er að gerast í þeim málum?

4. Möguleikar á styrkjum til þess að efla tölvu- og upplýsingatækni í leikskólum.

5. Á fundinn mætti Guðmundur frá alþjóðaskrifstofu og kynnti eTwinning.

Wiki í námi og kennslu

admin — Sun, 17 Jun 2007 20:14:30 +0000

3f hélt samvinnu við Endurmenntun HÍ sumarnámskeiðið 2007 Wiki í námi og kennslu. Námskeiðið var ætlað kennurum í upplýsingatækni, tungumálakennurum, kennurum samfélagsgreina og fleiri greina. Hentar kennurum á öllum skólastigum. Tuttugu og þrír þátttakendur voru á námskeiðinu.

Kennari var Salvör Gissurardóttir lektor í KHÍ.

Markmið: Að kynna kennurum ný verkfæri og ný vinnubrögð við samvinnuskrif á vef og vefsmíði og efla færni þeirra til að byggja upp með samkennurum og nemendum opna þekkingarbrunna í wiki-kerfum. Sjá nánar á vefslóðinni http://wiki.khi.is. Efni: Kynntar verða rannsóknir og hugmyndir á notkun wiki-kerfa í námi og kennslu. Fjallað verður um alþjóðleg wikipedia-verkefni, sérstaklega verkefnin wikipedia, wikibooks, wikiversity og wikimedia commons. Þátttakendur læra á wiki-kerfi (mediawiki) og gera áætlun um hvernig þeir ætla að byggja upp wiki í sínu starfi. Námskeiðið er byggt upp á fyrirlestrum og verklegri vinnu í tölvuveri í tengslum við efni námskeiðsins. Þátttakendur vinna með áætlunina á starfsvettvangi sínum og byrja uppbyggingu á þekkingarbrunni í wiki.

Salvör hefur útbúið Wiki-kennsluvef sem vert er að skoða.

Hægt er að skoða nokkur myndbönd um Wiki á YouTub, Wikis in Plain English , Social Networking in Plain English , Intro to Class Wiki with Wikispaces 1 og fl.

Þátttaka var mjög góð og var að heyra á þátttakendum að þeir væru mjög ánægðir með námskeiðið. Eins og sjá má á myndum voru þetta mjög áhugasamir nemendur.